मिति २०७९ बैशाख ३० गते सम्पन्न भएको स्थानीय तह निर्वाचनमा निर्वाचित हुनुभएका गाउँपालिका अध्यक्ष, उपाध्यक्ष र ५ वटै वडाका वडा अध्यक्ष तथा सम्पूर्ण वडा सदस्यहरुलाई सपथ ग्रहण तथा प्रमाण-पत्र वितरण कार्यक्रम आज जेठ ९ गते घ्याङलेख गाउँपालिकाको कार्यालय हायुटारको सभा हलमा सम्पन्न भएको छ । सथै स्थानीय तह निर्वाचन, २०७४ बाट निर्वाचित भई ५ वर्षे कार्यकाल सफलतापूर्वक सम्पन्न गर्नुभएका घ्याङलेख गाउँपालिकाका सम्पूर्ण जनप्रतिनिधिहरुलाई धन्यवाद, विदाई तथा फेरी भेटौंला कार्यक्रम पनि सम्पन्न गरियो । सबै नव निर्वाचित जनप्रतिनिधिज्यूहरुलाई हार्दिक बधाई तथा सफल कार्यकालको हार्दिक शुभकामना ।
