मिति २०७६ फागुन २८ गते यस घ्याङलेख गाउँपालिकामा हाजिर हुनुभएका यस गाउँपालिकाका प्रमुख प्रशासकीय अधिकृत श्री राम कुमार कार्की सर आज मिति २०७८ मंसिर १७ गते घ्याङलेख गाउँपालिकाबाट बिदा हुनुभएको छ । उहाँको सरुवा सिन्धुली जिल्लाकै तीनपाटन गाउँपालिका हुनुभएको हो । उहाँको फेरी भेटौंला अर्थात बिदाई सँगै यसै गाउँपालिकामा विगत १ वर्ष देखि कार्यरत लेखा अधिकृत (सातौं) श्री सुरेश कुमार अधिकारी सरलाई प्रमुख प्रशासकीय अधिकृतको जिम्मेवारी सहित स्वागत गरियो । यसै क्रममा बिभिन्न आरोह र अबरोहहरु पार गर्दै विगत १ वर्ष

९ महिनासम्म अनवरत रुपमा खटिनुभई यहाँले यस गाउँपालिका प्रति पुर्याउँनुभएको अमुल्य योगदानको उच्च कदर गर्दै सम्पूर्ण पालिका परिवार र जनताहरु यहाँको सम्मानकासाथ फेरी भेटौंला भन्न चाहन्छौँ । साथै, आगामी दिनहरुमा सरको प्रगति, सुस्वास्थ्य, दीर्घायु, उन्नतिको कामाना सहित हार्दिक मंगलमय शुभकामना । अनि सुरेश सरलाई पनि नयाँ जिम्मेवारीको लागि हार्दिक बधाई तथा सुभकामना ।

यसै कार्यक्रमका बिच घ्याङलेख गाउँपालिकाद्वारा प्रकाशन गरिएको "घ्याङलेख दर्पण" नामक पुस्तक पनि आजै बिमोचन गरिएको छ । पुस्तकको बिमोचन घ्याङलेख गाउँपालिकाका अध्यक्ष श्री जगत बहादुर भोलन, बिदा हुँदै गर्नुभएका प्रमुख प्रमुख प्रशासकीय अधिकृत श्री राम कुमार कार्की र अब प्रमुख प्रशासकीय अधिकृतको जिम्मेवारी लिनुभएका श्री सुरेश कुमार अधिकारी सरले संयुक्त रुपमा गर्नुभएको थियो । यस पुस्तकमा आ. व. २०७८।०७९ को घ्याङलेख गाउँपालिकाको बस्तुगत विवरण, नीति, कार्यक्रम, बजेट र उपलब्धि समेटीएको छ । पहिलो संस्करणमा १००० प्रति प्रकाशन गरिएको यस पुस्तकको आवरण पृष्ठको अगाडि पट्टी ऐतिहासिक लाखाङ गुम्बा र पछाडि पट्टी घ्याङलेख गाउँपालिकाको कार्यालय रहेको स्थान हायुटार बजार क्षेत्रको तस्वीर राखिएको छ । अध्यक्ष जगत बहादुर भोलन, उपाध्यक्ष दुर्गादेवी सुनुवार र प्रमुख प्रशासकीय अधिकृत राम कुमार कार्की संरक्षक रहेको यस पुस्तकको आवरण डिजाईन यसै गाउँपालिकाका सूचना प्रविधि अधिकृत किशोर कुमार वाइबाले गर्नुभएको हो ।

YouTube Video Link:
https://youtu.be/yuIpvq8Df_0